- 21:03باريس سان جيرمان يهزم أرسنال ويضع قدما في نهائي دوري الأبطال
- 20:02تطورات جديدة في قضية “التيربو”
- 19:40مصرع 5 أشخاص نتيجة انقطاع الكهرباء بإسبانيا
- 19:24موريتانيا تشارك في مناورات الأسد الأفريقي بالمغرب
- 19:02الاستخبارات الإسبانية تفترض هجوما من شمال إفريقيا وراء انقطاع الكهرباء
- 18:48أخنوش يترأس اجتماعا بالرباط لتتبع تنزيل خارطة طريق التشغيل
- 18:46أهلي جدة يهزم الهلال ويتأهل إلى نهائي دوري أبطال آسيا للنخبة
- 18:40تعزيز التعاون البرلماني بين مجلس المستشارين ونظيريه في ليسوتو وباكستان
- 18:34إطلاق برنامج وطني شامل لرقمنة قطاع الصحة بالمغرب
تابعونا على فيسبوك
علاش وكيفاش.. تفويت "سهام" لشريكها الإفريقي "سانلام" ..
كلشي عارف باللي مجموعة "سهام" اتخذات فالأيام القليلة اللي دازت قرار مهم بزاف، واللي هو تفويت الشركات ديالها المختصة في التأمين لشريكها الجنوب إفريقي "سانلام".
هاد القرار ديال التفويت ما خداتوش مجموعة "سهام" بلا مايكونو عندها دوافعها، حيث بينو المهتمين بقطاع المال والأعمال أن هاد الدوافع أولها مرتبط بحماية المصالح العليا للبلاد في افريقيا على اعتبار أن "سانلام" رائدة في جنوب افريقيا وثانيها وهو مهم بزاف واللي هو أن المغرب يولي كيتوفر على صندوق استثماري إفريقي عندو القدرة على تمويل المشاريع الاقتصادية الكبيرة اللي باغا البلاد تحقق بيها التنمية، وغادي يكونو فيه مساهمين من المغرب ومن بلدان أخرى، وكيبين أيضا أن المغرب وحتا المجموعات الاقتصادية الوازنة فيه باغا تمشي لأبعد المستويات فالسياق ديال تعزيز عودة المغرب لحضنه الإفريقي، والتقوية ديال الموقع ديالو كفاعل قاري واستراتيجي.
وباش نعرفو كيفاش دازت الصفقة، راه لازم نوضحو أن مجموعة من الشركات من اليابان وفرنسا دخلو فمنافسة كبيرة بيناتهم لمدة أشهر كثيرة قبل ما يتقرر تفويت 100 في المائة من أسهم "سهام" لـ"سانلام" اللي كانت كتملك فيها 46.6 في المائة، وهاد الصفقة تمت بغلاف مالي كيتقدر ب 1.05 مليار دولار.
وهاد الغلاف المالي الكبير، كشف مولاي امحمد العلمي المدير العام لـ"ساهام" أنو غادي يخلي المجموعة تتوفر على إمكانيات مالة مهمة اللي غادي تساهم فتمويل مشاريع ضخمة فإفريقيا، وزاد باللي الهدف اللي واضعاها المجموعة قدام عينها هو أنها تقدر تستقطب شركاء جداد باش تستثمر فالمهن اللي غادي يولي السوق يطلبها أكثر من غيرها.
هاد القرار الجريء واللي فالحقيقة ماشي أي قطب مالي يقدر يزعم ويتاخذو كيخلينا نطرحو مجموعة من الأسئلة واللي منها مثلا واش بالفعل غادي يحقق الصندوق الاستثماري الإفريقي اللي طامحة ليه المجموعة الأهداف المرسومة واللي هيا تمويل المشاريع الاقتصادية الكبرى لتنمية البلاد؟ وشكون هوما الشركاء اللي ناوية المجموعة تستقطبهم للاستثمار فالمهن اللي عليها الطلب فسوق الشغل؟ وواش كاينين شي مجموعات اقتصادية أخرى عندها نفس التوجه وناوية فالقادم من الأيام مثلا تقوم بتفويت جزء من أسهمها أولا شركاتها لفاعلين كبار وبالتالي تخوض مغامرة ديال تعزيز وتوسيع الحضور ديالها في القارة الإفريقية؟
وكاين سؤال آخر هو واش كاين غير الحل ديال التفويت ومكاينيش حلول أخرى مثلا فهاد الباب؟
تعليقات (0)