- 21:07بلاغ جماعة طنجة بشأن جودة الشواطئ
- 21:04 فلومينينسي البرازيلي يطيح بالإنتر خارج مونديال الأندية
- 20:47سوق الاربعاء الغرب.. "الطون والحار" يرسل 37 شخصا للمستشفى
- 20:38رئيس مجلس النواب يبحث مع نظيره البيروفي دعم الوحدة الترابية
- 20:23الكونغرس البيروفي يجدد تأكيد دعمه لمغربية الصحراء
- 20:10بعد تعرضها لحادثة سير.. رجاء بلمير: "الله يبعد علينا وعليكم عيون الشر"
- 20:07قضية الطفلة غيثة.. انتصاب "ماتقيش ولدي" طرفا وهذا قرار المحكمة
- 19:58بوانو يرفض تصنيف البوليساريو بـ"الإرهابية".. "فيهوم خوتنا وولاد عمنا"
- 19:46إيران تعلن ارتفاع عدد ضحايا العدوان الإسرائيلي إلى 935 قتيلا
تصنيف فرعي
تابعونا على فيسبوك
وا شد الصف
قبل ما تمشي لأي إدارة بصفتك مرتفق كتبقا تفكر فالفوضى والتأخير الكبير اللي غادي تكون معرض ليهم ، وأنك عوض ما تقضي الغرض اللي نتا ماشي على قبلو لهاديك الإدارة فواحد 10 دقائق كتولي معطل جميع المصالح ديالك لساعات طويلة.
هاد الفوضى والتأخير كيكون جزء كبير من المسؤولية فيهم كيتحملوه المواطنين أي المرتفقين اللي أولا ماكيحتارموش بعضهم، فمثلا تقدر نتا تكون كتتسنا لوقت طويل، ويجي واحد من موراك ويدخل نيشان عند الموظف بلا مايدير لك أي اعتبار وإلا كان فيه شوية الصواب يقدر يقولك سمح ليا أنا راني باغي غير نسول بسرعة ويدخل ويقاد شغلو ويخليك نتا منشور كيحساب لك شاد الصف ونتا راك غير كتضيع وقتك.
وكاين شي إدارات عاود فيهم كارثة أخرى تلقا مثلا كاينة الآلة اللي كتنظم وصولك لخدمات هاديك الإدارات وكل مصلحة فيها تلقاها كتدوز الناس بالترتيب، ولكن ورغم ذلك كيجي هاديك أولا هاديك اللي باغي يخرق النظام ويدوز هو الأول وكأنه هو بوحدو اللي زربان وعندو مشاغل ومخلي ولادو بوحدهم ولا مسطاسيوني "دوزييم بوزيسيون" ولاخرين كاملين اللي شادين الصف من قبل منو غير مسالين ولا يمكن ماشيين يدوزو جزء من الكونجي ديالهم فهاديك الإدارة.
هاد اللاحترام لبعضياتنا أولا بالمعنى الصحيح هاد الاستغباء لذكاء الناس راه تيخلينا كاملين ديما معطلين، وكيخلي حتا الموظفين يستغلوا هاد النقطة ويزيدوا فتعطالهم ويبقاو يتماطلو ويتعمدوا أنهم يخليو كلشي منشور، فقط لأنهم مقتانعين بأن اللي قدامهم هوما أناس ماعارفينش لا حقوقهم ولا واجباتهم، ومكايحتارموش بعضهم من الأصل.
هاد السلوك البسيط ديال احترام الصف فأي إدارة وأي محل دخلنا ليه وحتا ماللي نكونوا فشي متجر ونبغيو نخلصو مثلا راه كيسهل حياتنا وكيبين على تحضرنا واحترامنا لبعضنا البعض، لأن دقيقة انتظار في نظام وانتظام أحسن بكثير من ساعات من الفوضى والأنانية ديال كلنا باغين نقضيو نفس الغرض فنفس الوقت.
تعليقات (0)