علاش وكيفاش.. معاشات البرلمانيين..ريع أم حق
مازال موضوع إلغاء معاشات البرلمانيين خالق الجدل في صفوف مجموعة من السياسيين اللي انقاسمو مابين مؤيد لاستمرار معاشات البرلمانيين وآخرين اللي اعتابرو أنه نوع من الريع وأنه ماكاين الأوضاع غير تأزما، خاصة وأن الشعب المغربي كيعيش على إيقاع الاحتقان الاجتماعي.
وفيوم 17 يوليوز الجاري انطلق اجتماع ديال اللجنة المالية بمجلس النواب من أجل التصويت على قانون معاشات البرلمانيين، واللي تبين أنه تمت المقاطعة ديالو من قبل عدد من وزراء حكومة العثماني، باستثناء الوزير الخلفي الذي سيمثل الحكومة، وهاد المعطى كيبين بشكل جلي أن الحكومة بعدات على هاد الملف الشائك على الرغم من توجيه الحبيب المالكي رسالة إلى الوزير بوسعيد لحضور الاجتماع.
السياسيين اللي مع رفض المساس بمعاشات البرلمانيين وعلى رأسهم رئيس الحكومة السابق عبد الإلاه بنكيران اللي طلب من إدريس الأزمي رئيس فريق العدالة والتنمية بمجلس النواب إلى جانب أعضاء فريق البيجيدي ما يعتارضوش على الصيغة التوافقية اللي قدمهتها الفرق البرلمانية لهذا الموضوع.
وفهاد السياق برر بنكيران الموقف ديالو بأنه مطلع على الوضعية المالية المتأزمة اللي كيعاني من تبعاتها برلمانيون سابقون كانوا فحزب البيجيدي، وبهاد الخطوة كيكون الأمين العام السابق عبد الإلاه بنكيران قد عبر بكل وضوع على أنه مع أن البرلمانيين يبقاو يستافدو من المعاشات ديالهم.
وفالجهة المقابل، كاينين مجموعة من التيارات السياسية والقياديين في الأحزاب دعاو إلى إلغاء القانون 24-92 المختص بنظام المعاشات لصالح أعضاء مجلس النواب، واللي كان وصل التمديد ديالو لأعضاء مجلس المستشارين طبقا للقانون 53- 99 لأنهم كيشوفو أن تمثيل المواطنين فالبرلمان ماشي حرفة يتسنا الواحد يخرج منها بمعاش.
وباش نفهمو الأمور كيفاش كتم لابد من أننا نعرفو باللي بمجرد أن أي ممثل كيتم انتخابو فمجلس النواب أولا مجلس المستشارين كيتم اقتطاع بصفة شهرية واجبات الاشتراك واللي تقدر توصل لـ 2900 درهم، وفالمقابل كتكون المساهمة ديال المجلس بنفس المبلغ، وكيكون المعاش الشهري هو 1000 درهم على كل سنة تشريعية كاملة، وهاد التعويض كيولي عند البرلماني الحق فالاستفادة منو فالوقت اللي كتسالي العضوية ديالو فالمجلس.
هاد النظام ديال معاشات البرلمانيين تسبب فإفلاس الصندوق الخاص بيه فسنة 2017 وتحديدا فشهر أكتوبر لأنه عرف عجز كبير، والسبب أن البرلمانيين اللي كيساهمو فيه عددهم تابث مكيتزادش فالمقابل أن اللي كيستافدو واللي خاصهم يستافدو كيتزاد عددهم فكل ولاية تشريعية.
دابا السؤال اللي مطروح هو واش الناس اللي تيدعيو وكيحاولو بكل الطرق الحفاظ على معاشات البرلمانيين واللي هوما نفسهم وبشكل يومي كيدعيو لمحاربة الريع مكايشوفوش أن هاد المعاشات اللي باغي يستافدو منها بأي وجه كان هيا نوع الريع؟ وأنهم خاصهم يبداو من نفوسهم قبل من الآخرين، ويحاولو يتصالحو مع الشعب ويسترجعو على الأقل جزء بسيط من ثقتو فيهم بانهم بالفعل باغين صالح هاد البلد، ومستعدين يخدموه بكل ما أوتوا من القوة والجهد كيفما تيقولو يوميا فشعاراتهم وخطاباتهم عن الوطنية وحب الوطن والتضحية؟؟
-
07:43
-
07:10
-
22:56
-
22:23
-
21:54
-
21:32
-
21:09
-
21:03
-
20:33
-
20:24
-
20:12
-
19:47
-
19:27
-
19:03
-
18:31
-
18:10
-
18:02
-
17:53
-
17:31
-
17:22
-
17:10
-
17:00
-
16:51
-
16:40
-
16:30
-
16:06
-
15:44
-
15:34
-
15:17
-
15:10
-
14:46
-
14:27
-
14:02
-
13:37
-
13:17
-
12:55
-
12:37
-
12:36
-
12:23
-
12:00
-
11:33
-
11:30
-
11:13
-
10:57
-
10:51
-
10:34
-
10:32
-
10:13
-
09:50
-
09:25
-
08:33
-
08:09
