الرابور المغربي "ديزي دروس" يقصف المشاهير المنضمين لتطبيق "ألو ماي ستار"

الأربعاء 22 شتنبر 2021 - 19:31

وجه مغني الراب المغربي "عمر سهيلي"، الشهير بـ"ديزي دروس"، انتقادا للمشاهير المنضمين لتطبيق "ألو ماي ستار"، والذي يلزم المعجبين بدفع مبالغ مالية مقابل التحدث مع فنانيهم المفضلين.

وقال "ديزي دروس": "بالنسبة لهاد التطبيق، يعكس المستوى المتدني، لي وصل ليه الفنان فهاد البلد، لدرجة أنه ولا باغي يسعى بأي طريقة باش يدخل جوج ديال الفرنك". مضيفا "والفكرة بالأساس ماشي منطقية، أنك تطلب من واحد يخلص من غير مقابل، حيت أنت ما غاديش تخلص داك الفنان حيت أيجي عندك ولا يدير حفلة ولا شي حاجة، أنت عتخلصو باش يهضر معاك".

وتابع الرابور المغربي: "زيد الأثمنة تايضحكو بزاف، حيت ما كنظنش أي واحد يقدر يخسر داك المبلغ ديال الفلوس باش يهضر مع فنان كيفما بغا يكون، وكون الناس بغاو يهضروا مع الأموات ما كانوش أيخلصوا هادوك المبالغ على 5 دقايق ولا 10 دقايق". مؤكدا أن القائمين على هذا التطبيق وتطبيق آخر بنفس المبدأ، تواصلوا معه من أجل الإنضمام لهم غير أنه رفض الأمر بشكل قاطع.

وأثار تطبيق "ألو ماي ستار"، الذي يتيح منصة للدردشة المباشرة مع الفنان أو النجم، لمدة تتراوح ما بين 5 دقائق و15 دقيقة، مقابل مبالغ مالية تتراوح بين 400 درهم و2000 درهم؛ زوبعة في منصات التواصل اﻹجتماعي، وسخط عارم على فنانين قبلوا مبدئيا فكرة التطبيق الجديد.