- 23:27إطلاق سراح بدر هاري بشروط بعد اعتدائه على طليقته في أمستردام
- 22:09ريال مدريد يجتاز عقبة ليغانيس ويتأهل إلى نصف نهائي كأس الملك
- 20:59تعيينات جديدة في مناصب المسؤولية بمصالح الأمن الوطني
- 20:30سقوط شبكة استغلت مهاجرين مغاربة في إسبانيا
- 20:04مجموعة فندقية إسبانية تُوسّع استثمارتها بالمغرب
- 19:42المركزيات النقابية تؤكد نجاح الإضراب بنسبة 80% على المستوى الوطني
- 19:33تونس.. حكم قاس في حق راشد الغنوشي زعيم حركة النهضة
- 19:07العثور على متزوجين جثثا داخل شقة ببوزنيقة
- 19:05الشامي: الشباب أكثر رغبة للانخراط في تدبير الشأن العام
تابعونا على فيسبوك
وا شد اليمين
فكل نهار فحياتنا ومن خلال احتكاكنا بالآخرين سواء فالشارع أولا أي محل أو بلاصة مشينا ليها كنكونوا معرضين لشي سلوكات مستفزة.. ولات للأسف عادية عن البعض لدرجة أنه يمكن ينتفض فوجهك إلا نبهتيه.
فهاد المنصة كنعرضو بشكل أسبوعي هاشتاغ للي نتفاعلو معاه جميع ..وكل واحد يطرح المواقف اللي وقعات ليه فالموضوع اللي غادي نطرحوه.. وتناقشو جميع باش نتغيرو جميع.
المغاربة هوما الشعب الوحيد اللي يمكن أنه يكون عارف باللي راه كيمارس شي سلوك خطير على حياتو ورغم ذلك يقدر يبقا يعاودو يوميا بشكل عادي. لدرجة أن هاداك السلوك يولي عندو هو القاعدة، واعتابرو حق من حقوقو. ومناسبة هاد الكلام هي الفوضى اللي كنعيشوها على الطرقات اللي كتحصد سنويا أرواح الآلاف منا بسبب سلوكاتنا الطايشة.
وهنا غادي نفتحو واحد القوس صغير على واحد القاعدة بسيطة السياقة اللي كنتعلموها فمؤسسات تعليم السياقة وهيا أنو خاصنا نشدو اليمين وماللي نقومو بتجاوز شي سيارة نعاودو نرجعو لليمين. هاد القاعدة البسيطة بزاف مكايلتازموش بيها. وهادشي علاش ولينا كلنا باغين نمشيو فيسار الطريق وكلشي باغي يسبق باش يوصل هو الأول، رغم أن تأخير مثلا لـ 10 دقائق أو أكثر يقدر يكلفو حياتو كاملة، ولكن حتا واحد مامسوق، وواخذها بعين الاعتبار.
والمشكل الأدهى والأنكى من هادشي أنك شي مرات تكون ماشي فالطريق وشاد اليمين ديالك ويجي شي واحد حاسب راسو فاهم أكثر من الناس ويبدا يكلاكصوني عليك باش هو يدوز ولا يبقا يعطيك فالسينيال.. ومكايكونش عندك كيفاش تجاوبو وتقوليه واش نخرج أنا من الطريق مثلا باش سيادتكم تدوز أو ندير لهاد الطموبيل جنحين ونخلي ليك الطريق باش تدوز.
بحال هاد السلوكات راها مؤسفة ووصلاتنا لجيل من الشباب اللي كيحترم قواعد وقوانين السياقة غير النهار اللي تيديوز امتحان السياقة، ومن بعد منها كيلقا شي واحد اللي تيقوليه أول مبدأ فالسياقة فالمغرب هو سوق كيفما قالك راسك ولكن المهم هو تحضي راسك، وهاد تحضي راسك حتا هيا فيها نقاش طويل. والنتيجة هيا حصيلة الموتى والجرحى والمعطوبين اللي كتعلن عليها المديرية العامة للأمن الوطني بشكل مستمر واللي كتكون فيها الأرقام مفزعة.
تعليقات (0)