- 08:4488 في المائة من حالات التأخير في الرحلات الجوية مرتبطة بمطارات المصدر
- 08:32التامك: مندوبية السجون شقّت طريقها بثبات نحو التحديث
- 08:14الهدر المدرسي .. 280 ألف تلميذ يغادر مقاعد الدراسة
- 07:4319 قتيلاً في حوادث السير بالمدن
- 07:15أمن البيضاء يحبط ترويج حوالي 6000 قرص مهلوس
- 06:30أجواء متقلبة في توقعات طقس الأربعاء
- 21:03باريس سان جيرمان يهزم أرسنال ويضع قدما في نهائي دوري الأبطال
- 20:02تطورات جديدة في قضية “التيربو”
- 19:40مصرع 5 أشخاص نتيجة انقطاع الكهرباء بإسبانيا
تابعونا على فيسبوك
علاش و كيفاش.... "المغاربة والحريات الفردية "
كل شي تيهضر هاد الأيام على الحريات الفردية، وأكثرية الناس اللي تيقولو على راسهم علمانيين، والعلمانية كما هو معروف ببساطة هي فصل الدين عن الدولة، يعني أن السياسة ما خاصهاش تدخل في الدين والعكس صحيح، كيعتبرو أن السياسة حاجة مدنسة و الدين شي حاجة مقدسة هاد الشي علاش خاصنا نبعدوهم من بعضهم.
الغريب هو أن أغلبية هاد الناس اللي تيناديو ب "الحريات الفردية" كينظر ليهم البعض على أنهم ما عارفينش ثقافتهم المغربية، وهاد الشي ما تيعنيش أنهم تيجردوهم من مغربيتهم، بل بالعكس تيشوفو أنهم مغاربة مستلبين من حيث الأفكار و الهوية.
وكيشوفو أنهم تيختصروا "الحريات الفردية" في الجنس و الدين وإفطار رمضان دون مراعاة لمشاعر الصائمين، والتطاول على المقدسات وعدم احترامها، و إلا اختالف معاهم شي واحد وعارض هاد الرؤية ديالهم لمعنى الحرية الفردية كيتاهموه بالرجعية وبأنو كعما متحضر.
وزيادة على هاد الشي اللي قلنا، تنشوفو أن موضوع "الحريات الفردية" في المغرب عندو واحد الإطار اللي هو موضوع فيه، نعم ما نكروش أنه كاين تجاوزات ولكن راه الدستور ديال الدولة تينص على أن حرية التفكير والمعتقد مكفولة حسب القانون المغربي.
دابا الحاصل فالمغرب أن موضوع "الحريات الفردية" قسم المجتمع لجوج فرق، الأول كيقول خاص الناس يديرو اللي بغاو، وقت ما بغاو، مع من ما بغاو، و كيف بغاو، وما خاصهومش يتعرضو لأي محاكمة أو تضييق ومنهم اللي رفع مذكرة للديوان الملكي بهاد الخصوص.
والفريق الثاني كيقول راه الحرية عندها سقف وأي حاجة زادت على حدها ممكن تضر بقيم الاحترام و الحياء و الحشمة اللي توارثها المجتمع من زمان، و تيزيدو يأكدو أن الشذوذ والدعارة والفساد و الميوعة موجودين في المجتمع من شحال هادا ولكن الناس اللي تيديرو هاد الممارسات تيتسترو، والسترة ما كتعنيش النفاق و لكن كتعني الاحترام والتشبث بالعفو من عند الله.
دابا أنا كمغربي عندي شوية ديال المعرفة ببعض الأمور والبعض الآخر تنجهلو بغيت نعرف شنو رأيكم القراء ديال "ولو.بريس"، في هذ الموضوع ديال "الحريات الفردية"، و شكون الفريق اللي كتشوفوه على صواب.
تعليقات (0)