- 06:00الرباط تحتضن معرضًا للإبداعات الفنية لموظفي الشرطة احتفاءً بعيد الاستقلال
- 23:46قاضي التحقيق يودع 6 متهمين السجن في قضية مقتل تلميذ بطنجة
- 23:33ارتفاع قياسي في واردات الأبقار بالمغرب لتلبية الطلب على اللحوم الحمراء
- 23:27نهضة بركان يتجاوز حسنية أكادير و يعزز صدارته للبطولة برو
- 23:22سيلتا فيغو يعود من بعيد و يفرض التعادل على البارصا
- 23:14راسينغ كلوب الأرجنتيني يتوج بلقب كوبا سود أمريكانا بعد انتظار قرن كامل
- 19:05المغرب يعزز مكتسباته في الصيد البحري خلال اجتماع لجنة "إيكات" بقبرص
- 19:02مازيمبي الكونغولي بطلا لدوري أبطال إفريقيا للسيدات
- 18:57منتخب المغرب للفتيان يتأهل إلى كأس أمم إفريقيا تحت 17 سنة
تابعونا على فيسبوك
علاش وكيفاش ..المغاربة تيقولو "هادا لله" من الزيادات
المغاربة كاملين مازال مصدومين من الزيادات اللي نزلات عليهم مع بداية لعام الجديد..وماقادرينش يتقبلو أنهم غادين يكونوا مجبرين على تحملها بلا مايكون عندهم حتا شي منفذ يخليهم يقدرو يواجهوها بيه وبصريح العبارة يسدو هاد الفجوة الكبيرة اللي غادي تديرها ليهم هاد الزيادات فحياتهم، واللي بالفعل كتلهب جيوبهم..
الزيادة فالسكر والباسبور والزبدة والبيرمي، ولائحة طويلة..كلها مؤشرات على أن الفئات المهمشة والفقيرة غاتزيد تعاني من تبعات هاد الزيادات اللي هي فالأصل عندها ارتباط بمجموعة من العوامل سواء الخارجية وهنا نقدرو نهضرو على ارتفاع أسعار البترول كمثال قوي أو الداخلية كرفع الدعم على المواد اللي كيدعمها صندوق المقاصة اللي كيتأثر بيها المغاربة بشكل مباشر أو غير مباشر..
ولكن مع هاد الزيادات اللي كتفرضها العوامل اللي ذكرنا..كنشوفو باللي مازال ماكاينينش برامج أو مشاريع اللي من الممكن أنها تنقص من حدة تأثير هاد الزيادات على الطبقة الفقيرة أو المتوسطة، وبالتالي فهي غادا تتضرر بشكل كبير، وفعوض ماتكون هناك حلول لدعم الفئات الفقيرة من أنها تولي أكثر فقرا والحفاظ أيضا على الطبقة المتوسطة اللي هيا بلا هاد الزيادات كتعاني من مجموعة من الصعوبات باش تحافظ على تماسكها على اعتبار أن عدد من التقارير كتشير إلى أنه كاينين 2 طبقات كبيرة فالبلاد وبيناتهم هوة كبيرة بزاف وهوما الطبقة الفقيرة والطبقة اللي كتعيش فالغنى الفاحش، كنشوفو باللي هاد الزيادات غادا غير تزيد فتوسيع هاد الهوة..